Kynmaw ka KSU ia ka lyngkhuh sngi iap ba 79 snem jong u myllung Soso Tham

Shillong: Ka Khasi Student Union mynta ka sngi ka la kynmaw burom ia ka lyngkhuh sngi iap kaba 79 snem jong u myllung Soso Tham ha State Central Library.

Ha ba ai jing kren ha kane ka sngi na ka liang u President ka KSU u bah Lambokstarwell Marngar, u la ong wat la u myllung Soso Tham u la khlad na kane ka pyrthei hynrei ki kyntien bad ki symboh phyrkhat ki ba u la ai iangi kin dang iaid kyrsoi ha ki pateng jong ngi, u la long kum uwei na ki nonghikai u nongthoh bad u la noh synniang shibun ia ka Ri bad ka jait bynriew.

“Kum ka jait bynriew ngi long kiba donbok ba ngi la sei ia ki nongialam ki ba ratbah la ka long ha kano kano ka bynta.Lada ngi pule ia ka jingnoh synniang jong u myllung Soso Tham kalong ka ba kit jing mut haba phi ngam jylliew ia ki kyntien jong u.”

U la ong ruh ba na ka bynta ka Khasi Student Union ki kyntien jong u Myllung Soso Tham ki long kum ki kyntien pyrsad mynsiem ia ka seng bad ia ka Ri bad ka jait bynriew.

U la ong ruh ba ka jing angnud jong ngi kum ki jait bynriew ka long ban ioh ban pynrung ia ka ktien Khasi ha ka khyrnit ba phra jong ka kot riti trei kam jong ka sorkar India,wat la na ka liang ka ladep dpiang ia ka rai ha ka ingdorbar jong ka jylla hynrei haduh mynta ka dang sah ha ka umdum,na ka liang jong ngi, ngi dawa ia ka sorkar Jylla ba kan iaibuddien ban pynurlong ia ki jing kwah jong ngi ki jait bynriew.