Don ka jingthmu ban thang ia ka Assam Secreteriat, ha ka 10tarik

Guwahati: U myntri ka pla pisa jong ka sorkar Assam u Himanta Biswa Sarma mynta ka sngi u la ong ba ka la don ka jing thmu ban thang ia ka ‘Assam Secretariat’ ha ka 10 tarik nohprah 2019 ha ka por ba jur bha ka jing iakhih pyrshah ia ka Citizenship Amendment Act 2019.

U Himanta Biswa Sarma u la ong ba ia kane ka kam lah thmu da ki runar kiba dei ruh ki ‘urban Naxals’ na ka seng Popular Front of India (PFI).
U myntri u la kam ba ka sorkar Assam ka lah ioh sakhi lyngba ki tiar ‘electronic’ ba ki dei ki briew jong ka PFI kiba dei ki nong ialam seng Congress barim. U la ong ruh ba ka sorkar kan kyntu ia ka National Investigating Agency (NIA) ban tohkit halor ka jing shah pynpra ki jing don jing em jong ka sorkar Assam.

Na ka liang u myntri u la pynpaw ba un sah thoh sha ka NIA bad ka CBI ban phah briew ban tohkit halor ka jing mih jing klumar hapoh ka jylla baroh kawei.