Hiar shuki nongialam U Rio

Kohima, 17 Naitung:
U Neiphiu Rio, U MP Lok Sabha, na Naga land, u la iehnoh ia ka kam jongu, ha kaba u dei kum u nongialam jong ka North East Regional Political Front (NERPF).
Ha ka shithi jongu, sha U Atul Bora, uba dei u co-convener jong ka NERPF, U Rio, u pyn paw ia ka jingsngew kit khlieh jongu, halor ka jingduh jingshaniah jong ka NERPF ha ka dong shatei lam mihngi. Ula ong shuh shuh, ba ka jingbym lah jong ka kynhun BJP bad ka AGP ban wan rah ia ka jingjop kaba don burom ha ka elekshon ba dang shu dep bad nangta sa ka jingbym lah jong ka Peoples’ Party of Arunachal, ban jop ha ka elekshon Rajya Sabbha ba dang shen, ka long kaba la pynmih ia ka jing sngew kulmar jingmut, ha ka jingiadei jong ka NERPF, ha kaba kyrshan ia ka NDA.
U Rio, u ong ba kum u nongialam ba rangbahduh jong ka NERPF, ula ioh ia ka jingkyrshan da ki 10tylli ki seng sain pyrthei jong ka dong shatei lam mihngi, ha kaba la dep rai ruh, ha ka jingialang, kaba la long ha ka 27tarik Lber ha Dimapur, ha ka jingdon ryngkat jong ka Bijoya Chakravorty, kaba dei ka Vice President jong ka seng BJP jong ka Ri.