Shillong: Ka Meghalaya’s Got Talent Season 4 kaba long ka rynsan pyni sap kaba heh duh ha ka jylla ba pyniaid da ka seng Meghalaya’s Talent Search Organisation ka la kut noh ha ka 7 tarik u Nohprah, 2019 ha Convocation Hall, NEHU, Shillong.
Ha kane ka jingiakhun la don kumba 12 ngut ki nongiashimbynta kiba la poi sha ka Grand Finale ha kaba u Bah Bravelystar Kharumnuid uba na Ur-Masi-U-Joh la ioh rah ia ka nam nongjop bad u la ioh ia ka song pisa kaba 2 lak tyngka. Ia ka nam ba-ar la ioh da ka kynhun Ri Bhoi Generation na Umsning, Patarim kaba la ioh rah ia ka song pisa kaba T. 70,000/- bad ia ka nam balai la ioh da u Rapkyrpang Khongdup na Ur Ksew Wahpathaw Pynursla uba la ioh rah ia ka song pisa kaba T. 30,000/-. Ka Shreya Saha na Tura ka la ioh rah ia ka nam Act of the Season. Kiwei pat ki nongiashim bynta kiba la poi sha ka Final ki long ka Chingkame Momin, G-Brothers, Rakjring R Marak, Black Pink Juniors, Ariston Tongper, Labianghun Lyngdoh, Siewdor Group bad ka Tyngshainhun Wanniang.
Ha kane ka tamasa, u Bah Kyrmen Shylla, Myntri ka tnat Revenue & Disaster Management, etc u la long u kongsan ha ryngkat ka jingiadonlang u Bah Jemino Mawthoh, ki Rangbah Shnong bad kiwei.
Ia ka result jong ka Lucky Draw la pynbna ha kane ka sngi bad ki nongjop ki long 1st prize No. 0741 (Scooty Aprilia Storm), 2nd prize No. 0558 (Oppo Phone) bad 3rd prize No. 1209 (Rice Cooker). La kyrpad ia ki nongjop ba kin wan shim ia ki khusnam hapoh ka 30 sngi naduh ba pynbna ia ka result.
Phi don ban ong eiei?