Ki jingkren khain u Lat Tathagata Roy halor ka mat CAB, ka la pynhiar kyrdan shibun ia ka burom jong ka shuki Lat, kaba da mang kyrpang hapoh ka Constitution ka ri India.
Lada u leit iasoh noh bad ki phetwir Rohingya bad iarap pynban ia ki, ka i iakop bha bad ka dur-ka dar bad ka jinglong jong u.
Nyngkong eh u ieng pyrshah ia ka nongrim ba ka sorkar Meghalaya ka shim ha kaba ka pyrshah ia ka CAB, ba ha ka jingshisha, la dei ban pynjari naduh mynno ia kane ka CAB, kynjlein u Lat, uba ha ka jingshisha, katkum ki kyndon Sorkar, u dei ban iaid bad sngap ia ki jingai jingmut ka sorkar jylla.
Hadien kane, ynda ka Sorkar India ka la pynbna ba ka CAB kan ym treikam hapoh ki jylla ILP bad Bynrap Bahynriew (6th Schedule), ine i juh i Lat i dang balain, ba kane ka long kabym don jingmut (absurd). Kaba mut u pyrshah wat ia ka rai ka Sorkar India ruh.
Mynta pat u kren dait-buid khlem sngewthuh ba lada iapyrshah CAB, khie ialeit noh sha North Korea, tip u mut aiu une u bhai, halor ka jingiadei ki Khasi-Pnar bad ki nong Korea.
Kumba nga la ong baroh shi katta, kan bha shibun ia une u Lat ba un krad hi noh na kane ka shuki, lym kumta, ka jingiakhih ban pynher krad ia u kan nang jur.
B.M.Lanong
Co-Chairman
State Law Commission
Phi don ban ong eiei?