Ka shoh shkor ba la pyndait da u piat, ioh ka Twinkle na U Akshay

Ka nongthoh kot bad ha kajuh ka por kaba dei ka Aktor jong ka Bollywood kata ka Twinkle Khanna ka la ioh iwei i jingai sngewbha iba phylla na u lok jong ka, kata na u aktor u Akshay Kumar. Une u aktor u la ai sngewbha ia ka da ki shijur ki shoh shkor kiba la shna da ki piat.

Kane ka aktor ka la pyllait ia ka dur jong ine I shohshkor ha Instagram ryngkat bad I jingthoh kumne “Hadien ka jingwan phai ka jong I lok na kane ka Kapil Sharma show bad ong, “Ki la pyni ia kane sha ka Kareena, ngam tharai ba i in itynnad, hynrei nga tip ba phi phin itynnad bad sngewtynad ia ki namar kata na ka bynta jong phi nga shim ia ki”Don ka por ba i eiei iba rit bad I bym don dor ki lah ban ktah ia ka mynsiem jong phi.

U Akshay bad ka Kareena Kapoor ki la wan jngoh ia kane ka show ka Kapil Sharma khnang ban pynkiew ia kane ka phlim ka ban sa pynmih kata ka Good Newwz.Dei hapdeng jong kane ka show ba ka Kareena ka la pyni ia ki shijur ki shohshkor ba la shna da u piat.La ithuh shai, ba ka Bollywood diva kam da itynnad bha ia ki.Wat la katta, u Akshay u sngew ba ka lok jong u ka Twinkle Khanna kan itynnad ia ki bad u la wanrah ia ki sha iing.Balei da ki shohshkor piat? Te, namar ka jingrem dor ka jong u piat ha kane ka aiom, te ki kamkai ruh kin long beit ia u piat.La iohi ruh ha ki internet kum ha ki video TikTok ba ki briew ki ai sngewbha ia ki nongiathoh da u piat namar ka jingrem kaba la palat pud ka jong u piat.
U Akshay u la shu bunkam ha ka ban pynkiew ia ka phlim Good Newwz, kaba yn sa iohi ryngkat bad ka Kareena, ha kaba da ki snem kine arngut kim shym la ak phlim shuh.Ka phlim kaba ki iatreilang ha ka sien kaba khatduh ka dei ka phlim Kambakkht Ishq ha u snem 2009.Ha ka Good Newwz, kine arngut ki ak kum ki shijur kiba pyrshang na ka bynta I khyllung.
Ki phlim u Akshay ki long kum ka Laxmmi Bomb, Sooryavanshi bad ka phlim history kata ka Prithviraj, katba ka Kareena ka dang shooting ia ka phlim u Aamir Khan ka Laal Sing Chaddha ha Chandigarh. Kan sa sdang ruh ban trei biang ryngkat bad u Karan Johar ha kane ka snem kaba wan.