Shah thang ka ophis MTC ha Jowai, jan shah thang ka toll gate ha Ialong

Jowai: Ka jing iakhih pyrshah CAB ha thain jaintia Hills ka la nang sawa jur hadien ba ki nong shim kabu ki lah thang ia ka ophis MTC ha Jowai. Ki runar ki lah thang taiar ha kylleng ka Jaintia Hills ban khanglad ia ka leit ka wan jong ki briew.

Myn shi sngi mynmiet ha ka por kum ba 12 baje shiteng la suba ba ki briew bym ithuh durkhmat ki lah thang ia ophis treikam jong ka Meghalaya Transport Corporation (MTC) ha Jowai bad ia ka kudam ba buh tiar lyngkhot lyngkhai ha Ladthadlaboh hajan ka Rymbai Gas Agency. Ka ding ka lah bam duh ia ka ophis bad ia ki dukan barit ki ba don marjan bad ka MTC.

Ka don ruh ka jing wiang ding ia ka ‘Toll Gate’ ha Ialong  hynrei lyngba ka jing kloi ki nongtrei ban tem ia ka ding ka Toll Gate ka khlem shah pynjulor ha ka ding.