Iaid paidbah ka Congress, ban pyrshah ia ka CAB

Shillong: Ka Meghalaya Pradesh Mahila Congress myn hynnin ka sngi ka la pynlong ia ka jing iaid rally naduh madan iew rynghep haduh ka ka jaka ieng kali ha Additional Secretariat ban pyrshah jur ia ka jing mynjur ka Rajya Sabha ia ka Citizenship Amendment Bill 2019.

Ha kane ka jing ia iaid rally la don ruh ka jing ia shim bynta da ka MLA ka Congress ka kong Ampareen Lyngdoh bad u bah George Lyngdoh bad ki MDC jong ka seng Congress.
Ki don ruh ki dkhot jong ka seng Garo Student Union (GSU) Meghalaya Youth Congress bad ki riew paidbah ki ba wan ban kyrshan ia kane ka jing pyrshah ia ka CAB.
Ha ba kren bad ki lad pathai khubor ka kong Ampareen Lyngdoh ka la ong kane ka dei ka por ba biang tam ban ia treilang khlem da ia pher seng ne ia pher sengbhalang. Ka la ong ruh ba ka sorkar Meghalaya ka dei ban wanrah noh ia ka ILP ban pynphlain shuh shuh ia ki ain ban iada ia ka jylla baroh kawei.