Iap uwei, ha ka jingshah siat ha ki CRP ha Guwahati

Uwei u briew, ula iap ha ka jing ia khih pyrshah CAB mynta ka sngi, ha ka jingsiat jong ki CRP ha Guwahati, ong ka khubor. La iathuh ba ki don arngut kiba mynsaw bad uwei ula iap noh ha hospital.

Utei uba iap, u dei U Dipanjal Das, uba trei ha ka canteen jong ka Sainik Bhavan, ha Rajgarh Road. U Das, u shong u sah ha Chaigaon ha Kamrup (Rural) district. La iathuh ba ula shah siat na ka kpoh jongu. Ka jingshah siat jongu, ka dei ha Lachit Nagar jong ka Ulubari, katba uwei pat uba shah siat, u mynsaw na ka kjat. Ka jinglong jong ka suk ka sain ha ka sor bah Guwahati, haduh mynta ka long kaba shongsyier shibun.