Ba treikam ka ain CAB, resain kam u heh pulit ka Maharashtra

U heh pulit, ula iehnoh kam hynnin ka sngi, kum ka jingsngew pyrshah jongu, halor ka jing pyntrei kam ia ka ain Citizenship (Amendment) Bill (CAB).

U Rahman, u iathuh ba u iehnoh ia ka kam jongu, kum u ophisar IPS, kum ka dak jong ka jingsngew pyrshah, namar ba ka ain ka khanglad ia ka jinglong kawei, ha ka jing iapher jaitbynriew.

“Ka bill, ka long beain bad ka long pyrshah ia ki article 14, 15 bad 25 jong ka riti synshar ri. Ka long pyrshah ia ka jingthmu jong ka riti synshar ri. Ka niam kam lah ban long ka nongrim ban ai ne pynduh ia ka jinglong nongshong shnong jong u briew” ong U Rahman.

U Rahman, u ong ba ki Muslim, ki hap pynlut da ka pisa kaba bun, ban pyn shisha ia ka jinglong nong shong shnong jongki.

“Lada pyn trei kam lang ia ka NRC bad ka CAB, kumta kito ki bym dei ki Muslim, wat lada kim don ia ki kot ki sla kiba biang, kin ioh ban long nong India, namar ia ki, yn ithuh ba ki dei ki poiwir” ula ong shuh shuh. U Rahman, ula long U IGP jong ka Maharashtra State Human Rights Commission.