13tarik, yn lum biang U bah Shylla, Adelbert halor ka MRSSA

Ka jingiakynduh kaba la long ha ka 9.12.19 ha CD Hall Mission Compound, Shillong ka la shim ia ka rai ba dei ban khot pynlong biang sa shisien ia ka jigkynduh lang baroh ki Nongialam jong ki Seng Sainpyrthei, ki Seng Bhalang, ki Nongmihkhmat (MLA/MDC), ki Khlieh Nongsynshar Hima/Shnong bad kino kino ki Samla ne ki Rangbah/Longkmie kiba sngew khia ia KA JINGPYNSLEM U GOVERNOR ban ai ia KA JINGMYNJUR halor KA ORDINANCE 2019 kaba dei ka Amendment ia ka Meghalaya Residents Safety and Security Act, 2016 kaba la dep mynjur da ka Council of Ministers, Government of Meghalaya, katba ngim pat ioh ia ka ILP kumba la ioh lut da ki Jylla Riewlum baroh jong ka North Eastern States ban iada ia ka jingkiew kyrthep jong ki briew kiba na shabar ka Jylla Meghalaya.

Kumta la wer ia phi baroh kiba ngim lah shuh ban da phah da ka shithi kumba dei ka rukom namar ka jingkyrkieh jong ka kam khamtam mynta ba ia ka CAB la dep mynjur da ka Lok Sabha bad ka Rajya Sabha kaba mut ba ka la long ain tang shu soi u President ka Ri India.

Kane ka jingiakynduh kaba ar kan long ha ka 13.12.2019 ha ka por 2.00 PM ha ka juh ka CD Hall ha Mission Compound, Shillong. Sngewbha ia kit khia, ka dei ka kam iap kam im jong ka Ri bad ka Jaidbynriew kaba la shu khanglad da uwei u briew.

        Khublei.

Sd/- A. Nongrum, MLA, Sd/- H.S.Shylla, Ex-MLA, Sd/- Charlie J. Rani, Genl. Secy.UHM, Convener. Convener. Secretary.