Mar 1-1 kol thep ka MLPFT bad ka Assam Rifle ha ka BN Mullick

Shillong: Ka kynhun ialeh kai phutbol ki pulit ka jylla ka Meghalaya Police FT ka la iasam mar shi point pyrshah ia ka Assam Riffle ha kaba sdang ia ka lympung ialehkai phutbol ki tnat pulit ba la tip kum ka B. N Mullick All India Police Football Meet 2019, hadien ba ki la iakhaid mar 2- 2 kol ha ka sngi Nyngkong ha madan Barackpore, Kolkata.

Tang hapoh 5 minit ba la sdang, ka MLP ka la shah thep shi kol, hynrei hadien shiphew minit u Teibor Siangshai u la lah ban pynphai kylla lyngba ka freekick.

Hadien katto katne por ka Assam Rifles ka la ioh ban thep biang, hynrei ha ka minit kaba 21 ka MLP ka la lah ban pynphai kylla lyngba u Chesterfield Nongdhar.
Haba wan ban bteng ia ka kylla miet ki khynnah ki la sdang biang ban ialehkai bha bad pynshoh biej ia ki nongpeitkai khamtam lei lei na u Teibor Siangshai uba la pynshoh bieij shi katdei ia ki nongpeitkai jong u.
Kane ka kynhun ka la pynleh noh- ei ia ki kabu ksiar lyngba u Everest Rynjah bad u Aldrin Ramsiej bad ha kaba kut jong ka jing ialehkai, ki la iasam mar shi point.