Jowai: Ka North Liberty Higher Secondary School, Jowai kan pynlong ïaka jingjied ïaki khynnah ïalehkai Football bad Athletic haka kyrdan U-14 bad U-17 haka 6 tarik u Kyllalyngkot (January) 2020 ha Kiang Nangbah Stadium.
U Principal jong ka North Liberty HSS, u B. Richard Uriah ula ong ba ki khynnah kiba shah jied kin ïoh ban rung skul ha North Liberty ha ryngkat ka jingïarap (Scholarship). U la ong ba kane ka jingjied khynnah ïalehkai ka kynthup ïaki kynthei bad shynrang.
Kino kino kiba kwah ban ïashimbynta ha kane jingpyrshang ban jied ïaki khynnah ïalehkai football bad athletic ki dei ban wan shim ia ki form napoh skul ha Mookyrdup, Jowal, West Jaiñtia Hills District naduh ka 16th haduh 19th Nohprah (December) 2019 naduh ka por 10 Amhaduh 2 PM. Ka tarik ba khatduh ban pynpoi ïa ki form kalong haka 20 tarik Nohprah (December) 2019.
Ki khynnah kiba wan sha kane ka jingjied khynnah ïalehkai kidei ban long ki khynnah kiba shah pyntbit bad kiba kilan man ka sngi. La kyntu ia baroh ki khynnah ban wanrah bad ki tiar ïalehkai ryngkat ki original certificate ha katei ka sngi ban jied. Ïa ka jingtip ba bniah phone ha kine ki number: 8132003424/8974405178/9863103073.
Phi don ban ong eiei?