Shillong: U bah Edmund Khongngai, uba dei u President ka HYC Riwar Mihngi u dawa ia u MLA ka thaiñ uba dei ruh u Dy Chief Minister ka sorkar jylla ba un hiar shuki noh na ka sorkar NPP, namar kane ka seng ka dei kaba don lang bad ka Seng BJP.
Ka seng ka pyrshah jur ia ka CAB bad kumta une u nongialam ka Riwar u la kyntu ia u MLA ka thaiñ ba un mih noh na ka NPP, namar la iohi ba ka NPP ka kyrshan ia ka CAB kaba ka jatbynriew rit paid ka pyrshah jur.
Ka seng, ka ong shuh shuh “Ngi iohi ba u MLA u shu byrngem tang ha ki kotkhubor ba la shim khia ia kane ka bill bad ngi iohi ruh ba u la bthah ia ki MP ka NPP ban kin pyrshah ia kane ka CÀB ha Parliament, hynrei ka long pynban mar khongpong namar ka MP na Tura constituency kaba dei ka para trai u myntri Rangbah ka kyrshan tyngeh ia kane ka CAB Bill ba la wanrah da u Home Minister Amit Shah”.
U bah Edmund u la ong ba la u MLA um hiar shukhi na ka NPP ki paidbah ka thaiñ Riwar kin sa bishar ia u ha ka Election ban sa wan.
Phi don ban ong eiei?