Lada yn mynjur ia ka CAB, dei ban dkhat ka jingiadei bad U Amit Shah, ong ka US Commission

Washington: Ka federal US commission on international religious freedom, ka pynpaw ia ka jingsngew diaw kaba jur jongka, halor ka jing mynjur ia ka Citizenship Amendment Bill, ha kaba ka ong ba ka dei kaba mynsaw bha bad kaba iaid ha ka jingmut kaba sniew bad kumta, ka dawa ia ka Ri America, ba kan khang syndon ia ka jingiadei jongka bad U Amit Shah, myntri kam poh iing jong ka India, lada la mynjur ia kitei ki ain hapoh Parliament.

Ha ka jing pynmih khubor hynnin ka sngi, ka US Commission for International Religious Freedom (USCIRF), ka kren diaw mynsiem jur ia ka jing pynlong ain ia katei ka ain. “Lada ia katei ka ain yn mynjur da baroh ar tylli ki iing ha Parliament, kumta ka sorkar America, ka dei ban dkhat lut noh ia baroh ki jingiadei bad U Amit Shah, myntri kam poh iing lem bad kiwei de ki nongialam kiba donkti ban thaw ia katei ka ain” ong ka komishon.