Ym pat tip briew ka longkmie ba leh beijot, ha ki 15 ngut

Shillong, 14 Naitung:
Ka longkmie kaba la shah leh beijot ha 15 ngut ki riew sniew ha ka shnong Pipulbari, ha khappud ka jylla Meghalaya bad ka jylla Assam kam pat kyndit bynriew bad ka dang shah sumar ha hospital ha Dhu bri, Assam.
Ki pulit jong ka jylla Meghalaya kila lap ia kane ka longkmie kaba la ialer na jan surok hajan jong ka khlaw kaba don ha ka shnong Tangoan kaba hap hapoh jong ka Mankachar police station ha ka sngi u blei.
Ki pulit kane ka jylla kila pyntip sha ki pulit jong ka jylla Assam bad la rah ia ka sha Hatsingimari public health centre bad mynta ka sngi la rah ia ka sha ka Dhubri civil hospital ban phah sumar. U Superintendent of police ka Dhubri u Mridu lananda Sharma u la ong ba ki pulit ki la thep mukotduma ia kane ka jingjia katkum ka kyndon 276 bad la leh ruh ia ka Medical examination bad ka jingiathuh na kane ka longkmie. Ki pulit ki la tip ia ar ngut napdeng ki 15 ngut kiba donkti ha kane ka kam runar.
Ki pulit kim pat ioh kem haduh mynta iano iano. Ki la iathuh ba ki runar ki la rah ruh ia ki jingdeng ba rem dor, ar tylli ki mobai, bad ka pisa ba T. 1 lak. Katkum ka jingiathuh ki pulit, katei ka longkmie ka la iathuh ba ki runar ki la pynap suloi ia ka bad byrngem ban pyniap haba ka pyrshang ban phet na kti jongki hynrei ki la ioh ban bat ia ka bad ki la rah ha kali bad la rah sha khlaw bad ki leh beijot ia ka.