Ioh kyrdan ba ar ka long kmie na Nongpoh, ha ka lympung iakop

Shillong: Ka Suzie Oneal Basan kawei na ki longkmie kaba la leit ban shim bynta ha ka World Fitness Federation WWF Asia Pacific 2019 ha kaba ka la jop ïa kyrdan ba ar ha katei ka jingïakop pyni dohksah kaba la sdang naduh ka 30 tarik Naiwieng haduh 1 tarik Nohprah 2019 ha Bengaluru Karnataka India.

Kane ka long ka jingsarong bakhraw ïa ka jylla ba ka kong Suzie Oneal Basan kaba la 41 snem ka rta ka la leit ruh ban mihkhmat sha katei ka lympung naka Meghalaya Bodybuilding Association kaba la pynïasoh bad ka National Amateur Bodybuilding Association.

Ka kong Suzie ka long ka longkmie ka ba la don ruh 2 ngut ki khun bad ka don ia ka met ka phat kaba khlaiñ ryngkat ki dohksah kiba khlaiñ bad ka dei ruh ka nonghikai (trainer) ha Rumen Fitness Gym kaba don ha Nongpoh.