Kumno U Chairman u jied CEM haba ym don jingiatynjuh bor, ong bah Metbah

Shillong: U Lamphang ka ïing dorbar u bah Metbah Lyngdoh ula kynthah ia u chairman ka KHADC bah Pynshngain N Syiem ba ula leh bakla ia ka rukom pyniaid dorbar ha ka por ba pynlong ia ka jingjied ia u CEM ka Council.

Kane ka jingkynthoh u Lamphang ka ïing dorbar ka jylla ka long hadien ba u bah Pynshngain ula shim bynta ha ka dorbar ban jied ia u CEM ka Council haba kam don satia ka jingiakhaid ne iatynjuh bor namar ka jingpep ka kynhun United Democratic Alliance (UDA).

“Kaei kaba la jia ka long ba kam shym la jia ha ka lynti ba dei ban iaid. Na ka liang jong ki MDC ka UDA ki weng noh ka long ban pyrshah ia ka jingleh jong u lamphang”, la ong u bah Metbah.

“Kaei kaba la jia ka long ba u Lamphang u la bakla ba u thep vote ha ka sngi jied ia u CEM, kane kein kaba u la bakla” ula bynrap.
U bah Metbah u la ong ba u Lamphang u lah ban shim bynta ban jied tang haba ka don ka mat bym don jingshaniah shuh, hynrei ha ka ilekshon ruh u vote, kane u la bakla na ka liang jong u Lamphang.