Shillong: Ka St.Joseph’s Secondary School Nongtalang, ha ka 7tarik mynta u bnai Nohprah ka la plie pyrda ia ka 1st St.Joseph’s Football Tournament 2019.
Ka jingthmu katei ka Tournament ka long shibynta ban pynmih fund ban kyntiew iaka skul khnang ban nanglah ban pyndap pynbiang iaki jingduna ka skul.
Ha ka jingplie pyrda ia ka Tournament la don lang u BDO ka Thaiñ u Ma Damuthimi Lyndoh u ba la ong kum u Kongsan, u Headmaster ka Skul u Babu Anthony Pohrmen, u Engineer u Jiang Hat Bareh, ki nonghikai ka skul lem bad kiwei kiwei ki riew pawkhmat nongkitkam ka skul.
U BDO u Ma Damuthimi Lyngdoh haka jingai jingkren jong u, u la pynpaw ba u dap daka jingkmen ba u la ioh ban plie pyrda iaka tei ka Tournament. U la ong ruh ba lyngba katei ka Tournament ki Samla ialehkai kin lah ban nangkiew shato phrang. Kumjuh ruh u la ong haka jingialehkai don kiba jop bad don kiba shah rem hynrei iakata ymdei ban kynrandien kumba ong haka ktien nongwei “Failure is a Pillar to Success”. Shuh shuh u la pynpaw ba u kyrmen shkem bakatei ka Tournament kan nanglah ban nangiaid lynti shato khmat.
Phi don ban ong eiei?