Ka sorkar Jylla, kam pat ithuh ia U CEM ba thymmai, ong U Conrad

Shillong: U myntri rangbah ka jylla Meghalaya u Conrad K. Sangma mynta ka sngi u lah ong ba kam don ka jing tuklar ka sorkar Meghalaya hapoh ka Khasi Hills Autonomous District Council (KHADC) namar ka sorkar kam pat ithuh ia u Chief Executive Member (CEM) ba thymmai.

U Conrad K Sangma u lah ong ba ka sorkar hi kam shym lahpynmih jing pynbna halor ka election na ka bynta u CEM ba thymmai, te kam don jing kylli ba ka KHADC ka lah ioh CEM ba thymmai.

“Kumno hi ka sorkar kan tuklar ha KHADC haba ka sorkar jylla kam pat ithuh ia u CEM thymmai jong ka council namar ha ka jing tip jong nga mynta ka district council kam pat don ia u CEM ba thymmai” lah bynrah u myntri ka Meghalaya.

Kumba shu pyn kynmaw u chairman ka KHADC u Pynshngain N Syiem u lah ong ba ka sorkar kam lah ban tuklar ha kam jong ka council bad tang ki liang pyrshah ka council ki lah ban pyn khyllem ia ia EC lada ki don bun paid ha ka KHADC.

Ha ka 26 tarik Naiwieng 2019 u myntri rangbah ka jylla Meghalaya u Conrad K. Sangma lah kyntiat ba ka don ka jing ia pyni bor hapdeng ka sorkar Meghalaya bad ka Raj Bhawan hadien ba u Governor ka jylla u Tathagata Roy u khlem pynjari ‘Administrator’s Rule’ hapoh ka Khasi Hills Autonomous District Council (KHADC).