La thaw ia ka komiti ban shna ia ka iingmane thymmai ka Balang U Blei

Shillong: Mynta ka sngi ka dorbar shnong jong ka Quallapaty ki lah noh synngiang lem sha ka ing mane da ka ba ai ia ka cheque pisa ba shong dor 50 hajar tyngka. U Rangbah Shong jong ka Quallapaty u bah M. Pyrbot u lah ong ba ka shnong ka ai khublei ia baroh ki briew kiba ia don lem ha ka ban tem ia ka ding naduh 17 tarik u naiwieng.

U Rev A. C Moore u ba dei ruh u pastor in charge u lah ong ba ka balang ka ai khublei bad ai nguh ia baroh ki briew ki ba ia don bynta lang ha ki por sngewsih ba jia ia ka balang barok kawei.

“Ngi ai nguh ia ia baroh ki briew na ki balang, ki niam bad jait bynriew ba pher ba pher ki ba ia don ryngkat lem bad ka balang u blei” lah bynrap u Rev A. C Moore.

Haba kylli shaphang ka Komiti ban thaw biang ia ka ing mane, u Rev Moore u lah ong ba ka balang ka lah thaw ia ka Komiti ka ba dei khmih ban wad lad wad lynti ban shna biang ia ka ing mane.

“Ngi lah buh 10 crore ia ka budget ban shna biang ia ka ing mane, bad shwa kata ngin hap ban ia shong shwa ba ka MUDA ban ia thir jing mut halor ka jing tei ia ka ing mane” lah bynrap shubh shuh u Rev Moore.

Ka balang u blei ka lah don 117 snem bad ka ing mane ba ing ka lah don 95 snem.