Kiew ka Bangladesh, kum ka nongialam ha South Asia ha ka GDP

Ka India, kaba la ju long ka Ri kaba ha khmat duh, ha ka ioh ka kot ha ki ri South Asia, hynrei mynta, ka la hiar shi katdei eh, katba ki jingkhein ki pyni ba ka Bangladesh, ka la tam ia ka India bad ka la kiew stet shibun ha kine ki sngi bad ka dei ruh ka Ri, kaba nyngkong eh ha ka ioh ka kot ha South Asia.

Ka kaiphod jong ka Asian Development Outlook 2019, ka pyni ba ka jingkiew jong ka GDP jong ka Bangladesh, ka la nang tam shajrong ia ka India ha kine ki sngi. La pyni da ki jingkhein ba naduh u snem 2016, ka GDP, jong ka India, ka la nang hiar nang hiar shi katdei, katba ka Bangladesh, ka la nang kiew naduh u snem 2016 shajrong, ha kaba ka GDP jongka, ka kiew na ka 7.1 percent sha ka 7.9 percet bad la iohi ruh ba ka jingkiew jongka ha u snem 2019, ka long sha ka 8.1 percent, katba kum ka jingkhein jong ka Asian Development Bank.

Ka jinghiar jong ka ioh ka kot ha India, la shim ba ka la hiar sha ka 6.5 percent jong ka GDP bad kane ka dei kaba pynlyngngoh jur ia ki Ri ha South Asia, namar ba la ju shim, ba ka India ka dei ka ri kaba paw shibun eh, khamtam ha ki snem 1990, ha kaba ka la kiew sha ka 8 percent jong ka ioh ka kot ha ka shisnem.

COUNTRIES	GDP 2016	GDP 2017	GDP 2018	GDP 2019 (forecast)	GDP 2020 (forecast)
Bangladesh	7.1	7.3	7.9	8.1	8.0
India	8.2	7.2	7.0	6.5	7.2
Pakistan	4.6	5.2	5.5	3.3	2.8
Sri Lanka	4.5	3.4	3.2	2.6	3.5