Ka CAB bathymmai kan ym ktah ia ki jylla ba don ka ILP bad 6 Schedule

Shillong: U Amit Shah, myntri kam poh iing ka sorkar India, ula iathuh ba ka CAB, kaba thymmai, kan nym trei kam satia ha ki Jylla, kiba la don lypa ka Innerline Permit bad ki jaka kiba don ha ka Sixth Schedule.

Ha kane ka jingiakynduh la leit shim bynta lang u myntri rangbah ka Jylla U Conrad K Sangma, ki nongialam jong ki seng sain pyrtheiba pher bapher , ka KSU bad ka GSU ha ka ba ki la ieng tylli da kawei ka sur ha ka ba ki la pynpaw ia ka jingpyrshah ia katei ka Bill.

Kham mynshwa na ka liang jong ki seng bapher, ba kynthup ia ki sengbhalang ki seng sain pyrthei, ki la thoh sha U Amit Shah, myntri kam poh iing ka sorkar India, ha kaba ki la pynpaw ia ka jingsngew pyrshah jongki, halor ka jing pyntrei kam ia ka CAB. Katei ka rai, ka long hadien ka jingialang kaba ar sngi kynthih jong ki nongialam na ki seng bapher, kaba long ha ka 29 bad 30tarik Naiwieng 2019 ha New Delhi.