Ban pynioh tin sop iing, ka thong U MLA ka Mawhati

Nongpoh: Ha ka sngi kaba u Dasakhiatbha Lamare, MLA ka Mawhati, u la leit ban sam tin sop iing sha ki longiing baduk na ki shnong kiba don ha Shilliang Umiam, u la ong ba u don ia ka thong ban pynioh tin sop iing sha baroh ki Longiing baduh kiba don ha ka Mawhati Constituency.

    Ha kaba sam ia kitei ki tin sopiing, kaba la pynlong ha Mawlasnai, u MLA ka Mawhati u la lah ban sam haduh 307 tylli ki longiing ba duk na ki 52 tylli shnong kiba don ha katei ka thain Shiliang Umiam.  

  Ha katei ka sngi, kaba la pynlong ia katei ka jingsam tin sopiing, la don ryngkat ruh naduh ki nongialam shnong, ki longkmie ki longkpa, ha kaba ki la pynpaw ia ka jingsngewkmen kaba khraw ba u MLA, u la lah ban shimkhia bad tynrong lem na ka  bynta ka jingdonkam jong ki longing ba duk ba rangli.
    Na ka liang u MLA, u la kyntu ia ki paidbah ba kin ai ka jingiatreilang na ka por sha ka por shaka por, na ka bynta ban dang wanrah shuh shuh ia ki skhim pynroi  ha poh ki shnong ki thaw.