Phah u CEM ia ki kyrteng jong ki saw ngut ki MDC sha u Lat ka jylla ban long EM ha KHADC

Shillong: U bah Latiplang Kharkongor, uba long u Chief Executive Member (CEM) jong ka Khasi Hills Autonomous District Council mynta ka sngi u la phah ia ki kyrteng jong ki saw ngut ki MDC sha u Lat jong ka jylla ban long ki Executive Member hapoh jong ka KHADC.

Katkum ki khubor kiba la ioh la iathuh ba na ka liang jong u CEM jong ka KHADC u la phah ia ka kyrteng jong u Bah Ronnie V Lyngdoh, Bah Lamphrang Blah na ka seng Congress ka kong Macdalyne Mawlong na ka PDF bad u bah Mitchell Wankhar na ka NPP.

Da ka jingphah jong u CEM ia kine ki saw tylli ki kyrteng ka kam EM kaba dang lait hapoh jong ka KHADC ka long hynriew tylli. Ki lad khubor ki iathuh, ba ha ka jingialang jong ka UDF ka la shim ia kane ka rai ban phah shuwa ia ki saw ngut ki kyrteng ia kiba dang sah yn sa phah ha dien.