Kylli Scholarship ka NSUI na ka Sorkar

Shillong: Ka National Students’ Union of India, Meghalaya Unit President, Bansharailang Pyngrope u buh jingkylli hakhmat ka sorkar Meghalaya halor ka jing bym ioh ki scholarship ki khynnah Megha laya kum ka Ishan Uday Scholarship scheme ba la pynmih da ka University Grants Commission (UGC) ia ki samla pule ka North Eastern Region (NER).

Hapoh ka Ishan Uday scheme, kumba 10,000 ngut ki samla pule na baroh kawei ka North East, kiba pule ia ki lain ba pher ba pher naduh ki general degree courses haduh ki technical bat ki professional course ki ioh ia kane ka scholarship man u snem. Ka jingthmu jong kane ka scholarship ka long ban ai mynsiem ia ki samla pule na ka thain NE ban nang iai bteng ia ki jing pule jong ki hynrei ka long eiei ba sngewsih ba tang ki samla pule na ka kylla Meghalaya, kim pat ioh satia ia kane ka scholarship bat ki samla pule na kiwei ki jylla hapoh NE ki lah ioh. Kumta ka NSUI ka kyntu ia ki briew ba dei khmih ban peit thuh ia kane ka mat namar ka ktah ia ka lawei jong bun ki samla pule jong ka Meghalaya.