Shillong: Halor ka jingmih khubor ha U Rupang, kaba dei halor ka jingphiah Synod thymmai; la ioh khubor mynta ka sngi, ba ka Lum Shyllong Presbytery, kaba ia kynduh ha ka 10tarik Nailar 2019, ha Lawsohtun, kam pat mynjur satia ban ia snoh lang.
Ka rai jong katei ka jingialang pyrkhat kam, ka la shim ia ka rai ban thoh sha ka Co-ordination Committee jong ki san tylli ki Presbytery, ba ka Lum Shyllong Presbytery, ia mynta kam pat long kloi ban ia snoh lang.
Kham mynshwa ha ka jing pynmih khubor jong U Rupang, la iathuh ba ka jingpynkhreh na bynta ka Synod thymmai ka la nang iaid shaid shaid, ha kaba 7 tylli ki Presbyteri kin iawan lang kawei ban thaw ia ka Synod thymmai. Kita ki long, Laitumkhrah Presbytery, Home Mission Presbytery, Shillong Sepngi Presbytery, Lumrapleng Prebytery, Mylliem Presbytery, 12 Blang Presbytery and Lum Shillong Presbytery. Yn ai kyrteng ia ka ka KJP Synod Pdeng.
Tangba ia kane ka jingthmu yn rah ban iakren shwa ha ka Jingiaseng Synod ka ban long ha ka Balang Presbyterian Dkhiah ka ban long ha ki tarik 12 haduh 15 March, 2020. Lada ka kam ka iaid kumba thmu, yn sa leit rah pat sha ka General Assembly jong ka Presbyterian Church of India ka ba long ka bor ba hakhlieh eh bad ka bor ba dei na ka bynta ka jingai Synod.
Ki kot khubor ki dei ban sngewthuh kano kaba la dei ban thoh bad kano ka bym pat dei ban thoh, namar ioh ka pynmong iano iano. Sngewsih