Jop U bah Latiplang Kharkongngor, kum U CEM thymmai ka KHADC

Shillong: U Bah Latiplang Kharkongngor, ula jop ia ka elekshon Chief Executive Member jong ka Khasi District Council, khlem ialeh pyrshah mynta ka sngi, namar ba ki 14ngut ki dkhot jong ka UDA, ba la ialam da U bah Teinwell Dkhar, kim shym la leit satia sha katei ka dorbar mynta ka sngi.

Lyngba ka jingbym shim bynta katei ka kynhun jong U Bah Teinwell Dkhar, kumta U bah PN Syiem, uba dei u lamphang dorbar jong ka Council, ula pynbna nongjop ia U Bah Latiplang, khlem don ka jingialeh pyrshah.