Khot Audition na ka bynta ka phlim kaban sa mih ka Inspector Haban

Shillong: U bah Daniel Nongrum, uba long u tyngshop u ba paw jong ka Jylla, mynta ka sngi u la khot la wer na ka bynta ban Audition ia baroh ki briew ki ba don ka sap ban ak ha ka phlim ka ban sa wan kaba la ai kyrteng ka Inspector Haban.

Ia kane ka audition yn pynlong ha ka 7 tarik u bnai Nohprah 2019 ha Khasi National Dorbar Hall Mawkhar naduh 10:00 baje mynstep.

Ia kane ka phlim yn pynmih da ka Daniel Phlim Production ryngkat ka Shipara Phlim Entertainment bad ka Namphang art Entertainment.

Kiba kwah ban wan shim bynta ha ka audition ki dei ban long ki ba 18 snem shaneng, na ka bynta ki supporting kynthei bad shynrang kin long 18 snem shaneng, na ka bynta u aktor ia ka bynta jong u riewsniew ki ba la 35 snem shalor bad ki khynnah kynthei bad shynrang kiba 8 snem haduh 14 snem. Ha kane ka phlim u tyngshop un long u bah Daniel Nongrum.

Ia kane ka phlim yn shna ha ka jinglut kaba 15 lak tyngka bad yn leit ban shoot ia kane ka phlim ha kylleng ka ri khasi Jaintia bad kumjuh ha Garo hill.

Ka phlim Inspector Haban ka dei ka phlim kaba 5 jong u bah Daniel Nongrum.

Na ka liang u bah Daniel Nongrum u la buh ia ka jingkyrpad ha ka Sorkar Jylla ba kan iarap lang ia ki nongshna phlim da kaba buh ia ka Cinema Hall, tang na ka bynta ki phlim khasi, namar ka kam shna phlim ka long kum ka lad ba ioh kam ioh jam ia ki ba bun ki samla.