Kem ding ka dukan shna nar bad ar tylli kiwei pat ha Bakur

Shillong: Ha ka shiteng miet jong ka 20 tarik u Naiwieng, ka ding ka la bam ia kawei ka dukan shna nar bad kumjuh ka la kem ding ruh ia ka dukan kaba marjan jong ka bad kawei ka iing ha shnong Bakur kaba hap ha West Jaintia Hills.

La ong ba ka daw jong kane ka jingmehding ka dei namar ka jingbymtreikam shuh jong ki waiar ding, ha kane ka dukan shna nar.Ia kane ka dukan shna nar la dei trai da u Bah Rit jong ka shnong Bakur.

U Rangbah shnong jong ka shnong Bakur u la pan jigiarap na ki BSF. Na ka liang jong ki pulit BSF jong ka Dawki, kiba dei na ka 30 Bn, ki la poi ha kane ka jaka ryngkat bad ka um pynlip ding.Da ka jingpyrshang jong ki BSF, ka ding ka la kham jai jai bad ki nongshong shnong kiba don ha kane ka jaka ki la lait im.Hadien nangta, ki pulit ka Dawki ruh ki la poi ha kane ka jaka ryngkat ka um bad ki kali pynlip ding. Ia ka ding la lah ban pynlip bha hadien ka jingiatreilang jong ka BSF, ki pulit, ki pulit pynlip ding bad ki nongshong shnong.Ka shnong ka la ai ka jingiaroh ia ka jingiarap bad ka jinglong ba la kloi jong ka BSF.