Shillong: Ki nongialam ka kynhun United Democratic Alliance (UDA) ba ialam ka UDP ha KHADC, kila kam ba ki la ithuh bad ki la tip ia san ngut ki MDC kiba shet kylla ia ka kynhun haduh ba la kylla rit paid ka Executive Committee ba ialam u bah Teinwel Dkhar kum u CEM.
Ka EC u bah Teinwel kala kylla rit ha ka jingiatynjuh bor mynta ka sngi ha ïing dorbar hadien ba 15 ngut ki MDC na ki 29 ngut ki pyrshah katba 14 ngut ki kyrshan. Ka jingshah rem u bah Teinwel ka dei namar ba u Lamphang ka ing dorbar u bah Pynshngain N Syiem ula kyrshan sha ka liangpyrshah.
U Secretary ka UDA u Bah Pyniaid Sing Syiem u la ong, ka jingialang jong ka kynhun UDA kala shim iaka rai ban pynieng ia u Bah Teinwell Dkhar kum u kyrtong bad ki kyrmen skhem ba yn jop biang ia katei ka elekshon.
“Ki don 5 ngut ki MDC kiba la shet kylla kynthup ia u Bah Pynshngain N Syiem, Bah Mitchell Wankhar bad u Bah Alvin Sawkmie kiba na ka NPP, ka Kong Macdalyn Sawkmie Mawlong (PDF) bad u Bah Latiplang Kharkongor u MDC khlem seng bad kine baroh 5 ngut kim shym la wan iashimbynta shuh ha ka jingialang jong ka UDA mynta ka janmiet” ong u Bah Pyniaid Syiem bad bad bynrap ba kila leh ia kane da ka jingiasuh buit bad u chairman bah Pynshngain N Syiem.
Kum u Secretary ka NPP ha KHADC u la iathuh ba la pyntip sha u Secretary ka NPP East Khasi Hills u Bah Aibor Tynsong halor katei ka jingjia.
U la ong, ki MDC ka NPP kiba dang don ha ka kynhun UDA ki kynthup ia u Bah Gigur Myrthong, Bah Pyniaid Sing Syiem, Bah Victor Ranee bad u Bah Rangkynsai Kharbuki.
Ani,wow ka jingsngew lyngngoh! Ban lah pynneh beit thik 5 seem ia ka EC ka KHADC te imat la idonkam ban nym shah iaid Kali shuh wat ha Motphran ruh ,hynrei ban ai laitluid noh ia kito ki rang poiei bha briew ban ia die madan sahuh noh katba mon. Namar u rang Khasi te la u ieit jaid bynriew katno katno ruh Un shah bret kyndong pynban.Nga sngew ki ong pynjah kyrteng noh ia U bah Ardent ba u isih dkhar,mynta pat sa ia U bah Paul.Imat kam don jingmut shuh ia ki khun samla ruh ban phah pule Law ne kam ain namar bun na ki nong thaw ain jong ngi dang dei ki jabieng tham jabieng kada suda.Bun ki kada ki ia khun ilekshon ban skhem ka lynti kamai spah,jaid bynriew pat ka nang iai shah pharia bad dang jot.
l
Ki nongialam ba ha khlieh ka NPP ki dei ban ai jingsneng ia ki ne ki nongmihkhmat pohjait,ha jaka ban skhem ka jaitbynriew ki ia khñiot ryndang pynban ia ki paralok .
Ka iing haba Duna ki mawshan kam lah ban neh.