Ka dor u piat, ka la kiew jur ha kine ki sngi ha Bangladesh bad katei ka jingkiewdor, ka la pynlong ia ka Sheikh Hasina, myntri rangbah duh katei ka Ri, ba kan sangeh noh, ban shet piah ha ka jyntah jongka.
La iathuh ba ka dor jong u piat mynta ka long 260 taka bad ka daw, ka long hadien ba ka India, ka la sangeh ban shalan ia u piat sha katei ka Ri.
La iathuh ba mynshwa, ka dor jong u piat, ka long 30 taka, hynrei mynta, ka la poi sha ka 260 taka, hadien ka jing sangeh noh ka India ban shalan piat sha Bangladesh.
U Jahid Tusher, Deputy Press Secretary ka Sheikh Hasina, u iathuh ba yn shalan kyrkieh ia u piat da kaba pynkit da ka liengsuin.
La iathuh ba u don bun bah u piat, uba la wan poi ha ka kad khaii ha Chittagong ha ka Sngi U Blei bad utei u dei uba la thied na Myanmar, Turkey, China bad na Egypt.
Phi don ban ong eiei?