Shillong: Ka jingiasnoh kti lang jong ki sengbhalang ba pher bapher ki ba ha poh jong ki Jylla jong ka ri shatei lam mihngi hapoh ka North East Student Organisation (NESO) mynta ka sngi ki la pynlong ia ka jingiakhih shong kyllain mongor ban pynpaw ia ka jingpyrshah ia ka citizenship Amentment Bill ha additional secretariat parking lot.
U samla Lamboklang Marngar, U President jong ka KSU u la ong ba ki nong shatei Lammihngi kim ju pyrshah ia ka Sorkar, hynrei ka sorkar BJP ka dei ka sorkar ban pyrshah ia ki rit paid (Anti indigenious) bad u ong ba ka dei namarkata ba ki hap ban pyrshah, halor ka jingthmu ban wan rah ia ki poiwir ki ba wan ban buhai shnong ha ka jylla jong ngi.
U bah Samuel Jyrwa u chairman jong ka NESO ka u la ong “Ngin ym lah ban sngewthuh ki ktien, ka rukom im iwei iaiwei hynrei kaei ka ba ngi ia tylli mynta ka sngi ka long ka jingsngew khia ba ngi ieid ia ka riti dustur jong ngi, ngin ym lah ban pdiang ia ka CAB”.
Na ka liang U President ka FKJGP, U bah Willbirth Rani u la ong ba ki briew kiba pyniaid ia ka Sorkar jong ka Jylla jong ngi, balei ki shu sngap jar, balei ki shu ap ia ngi ba ngin ia khih bad u ong ba ka dei ka kamram jong ki ban pynpaw ia ka jingpyrshah ia ka ba kin ym shah ban pynlong ain ia ka CAB, lada ka Sorkar pdeng hapoh ka jingialam jong ka BJP, kin pynlong ain ia ka CAB bad wanrah ia ki hindu na Bangladesh, katba ma ngi pat ngin leit sha Bangladesh bad ki nong Manipur bad Tripura kin leit sha Myanmar bad wan phai da kiwei ki briew ki ba lah ban iadei bad ka sorkar.
Phi don ban ong eiei?