Shillong: Ki lad khubor ki iathuh ba u samla Ferdinand K Kharkamni, President KSU North Khasi Hills, ula shah kem mynta ka nohsngi na ki thain Nongpoh, ha ki pulit jong ka Ri Bhoi District.
Kat haduh ba thoh ia kane ka khubor, ym pat shym la ioh jingtip kaba bniah, la ula shah kem na kano ka jaka kaba thikna.
U bah Ferdinand, ula shah wad ha ki pulit, halor ka jing ujor, ba ula ktah kti ia ki pulit ha ka thanat ha Umiam, ha ka 15tarik Risaw 2019.
Ka khubor na ki pulit ka Jylla, ka iathuh ba la ioh kem mynta ka sngi, ia U bah Ferdinald Kharkamni, uba dei uba shah kynnoh halor ar tylli ki jingjia ha kaba la ujor ejahar ha Umiam Police Station.
La ong shuh shuh ba utei u briew, ula ktah kti ia u heh pulit bad kumjuh ia u langrut ha Umiam Police Station bad ula jah rngai la bun sngi, hadien katei ka jingjia, hynrei mynta ka sngi, la ioh kem ia u na Nongpoh bad mynta u don ha ka jingtohkit ki pulit bad ka jingtohkit ka dang iaid shakhmat, ong ka khubor.
Phi don ban ong eiei?