Lah ban wan rah ia ka CAB mynta ka dorbar tlang

Shillong: La iathuh ba ia ka mat ban pynlong ain ia ka Citizenship(Amendment) Bil kan long napdeng ki 27 tylli ki bill kiba thymmai, ha kaba ka Sorkar pdeng ka la pynkhreh ban wanrah noh ia kane ka bill ha kane ka aiom tlang ha kaba ka dorbar jong ka Parliament kan sdang ha kane ka Lah Sngi U Blei kata ha ka 18 tarik u Naiwieng.

Kane ka dorbar jong ka Parliament kan iai bteng haduh ka 13 tarik u Nohprah.

Shibun ki nongialam ba ha khlieh jong ka BJP kynthup ia u myntri kam poh iing u Amit Shah u la iai ban, ba ka jingwanrah ia ka CAB ka long ba ki kwah ban ai ka hok shong shnong ia ki bym dei ki Muslim na Pakistan, Bangladesh bad Afghanistan.
Bun kiba ki pyrshah haba iadei bad kane ka Bill, khamtam na ki seng jong ka thain shatei lam mihngi kiba la pynibor bad ieng iakhih pyrshah ia kane ka Bill.