Pynshai ka trai jong ka Mix Chana, halor ka jingkynnoh ba tan um na Wahumkhrah

Shillong: Halor ka jingmih khubor ha ki social media ia ka jingkynnoh ba ia u chip mix chana, la sait da ka um ba ki tan na wah um khrah. Na ka liang ka trai jong kane ka jaka ba pynmih chip ka la wan ban pynshai ba ka jingkynnoh ka long ka bym shisha.

Ha ba ia kren bad ki lad pathai khubor ka trai kane ka jaka pynmih chip ka kong Aiti Thabah kaba shong basah ha Polo ka la ong ba man ka sngi ki shet ha kawei ka jaka ba dei ha khmat ing, hynrei ha kato ka sngi kadei ba ki dang shna ia ka jaka shet te ki phah trei noh ia ki nongtrei sha dien ing kum ba ki iohi ha ki dur.

Ka la ong ruh ban trei kam ne ban sait ia u phan la ju thied um arsien shisngi, hynrei la kynnoh ba ki tan um na Wahumkhrah.

Ia kane ka mix chana la seng la 6 snem mynta bad ki don 7 ngut ki nongtrei shynrang bad 10 ngut ki kynthei.