Shillong: Ia ka 5th Roll Ball World Cup yn sa pynlong ha Chennai ha ICF Indoor Stadium Perambur and Montfort Indoor stadium Santhome Hr ss Chennai naduh ka 15 haduh 20 tarik u Naiwieng.
Ha kane ka World Cup 27 tylli ki Ri kin sa iashim bynta bad kine ki Ri ki long: India, Singapore, Sri Lanka, Bangladesh, Saudi Arabia, Nepal, Male, Oman, China, Vietnam, Kenya, Senegal, Uganda, Sierra Leone, Egypt, Guinea, Cote divoire, Polan, Latvia, Belarus, France, London, Netherland, Uruguay, Argentina, Canada, and New Zealand.
Na kane ka jylla jong ngi, U bah Suklang Dkhar uba dei U General Secretary jong ka Meghalaya Roll Ball Association u lah shah khot kyrpang ban don bynta kum u official ha kane ka World Cup.
Ka Roll Ball ka dei ka jingialehkai kynhun kaba hap pyndonkam da ka Roller Skates Khlem ka stopper. Ka thong jong kane ka jingialehkai ka long ban pynshad ia ka ball bad thep hapoh ka goal. Ia kane ka jingialehkai la pynmih da u Raju Dabhade na Pune, India ha u snem 2003.
Phi don ban ong eiei?