Shillong: U myntri ka tnad kam pohiing ka jylla u James K Sangma ula maham ba ki kynhun ne ki sengbhalang kim lah ban talasi trading license lait noh tang ki nongtrei ki district council.
Ia kane, u myntri ka tnad kam pohing ula kren hadien ba la wai ka jingialang jong ki Autonomous district Council ba la khot da u myntri rangbah ka jylla Conrad K Sangma myn hynnin ka sngi ban iakren ia ka jingpynkylla ia ka Sixth Schedule, halor ka Meghalaya Residents Safety and Security Act 2016 bad halor ka jingkhynra Trading Laisen bad Labour Laisen da ki kynhun.
U myntri ka tnad kam pohiing ba peit ruh ia ki District Council, u la ong ba kane ka jingialang la khot namar ki don ki bynta kiba ia dei bad ki District Council ha kaba la wan iashim bynta ki CEM ka KHADC bad JHADC nalor ki nongmihkhmat na GHADC.
U la ong ba la ia kren halor ki kaiphod kiba la poi sha ka sorkar ba ki don ki kynhun kiba leit kylleng kylleng ban jurip ia ki Labour Laisen, haba iadei bad kane, la bthah ia ki District Council ba kum kine ki jingleh dei ban sangeh syndon bad lada don dei ban leh da ki briew jong ki District Council.
La bthah ia ki District ba ki dei ban pynmih ia ka hukum ban khang pyrshah ia kane ka jingleh bad ki dei ban pynmih kloi ia kane ka hukum ki ban jurip ha kaba ia dei bad ki labour laisen dei ban leh da ki birew jong ka District Council ki riew shimet ne ki seng kam dei ban leh ia kane.
Ha kane ka jingiakynduh la iakren sha ki District Council ha kaba iadei bad ka jingkwah ka sorkar pdeng ban pynkylla ia ka Sixth Schedule kaba dang don bad ka Parliamentary Standing Committee bad la pynsngew ba la da ki dang don ei ei ban ai jingmut, hynrei kumba ka long ki District Council bad ka sorkar jylla ki la pynpaw ia ka jinglong kawei.
Ha kane ka jingiakynduh la ia kren ruh ha kaba ia dei bad ka Meghalaya Residents Safety and Security Act 2016 kumba la rai da ka kabinet bad lada ki don ei ei ioh leh ki don ka jingsngew halor ka jingeh lada don ia ka don kano kano ka jingwit ha kaba ia dei bad ka jingwan jong ki nongwan jngohkai pyrthei. Na ka liang jong ka sorkar kala pynshai ba kane kan nym ktah ia ki briew.
Halor ka jingkyrduh pisa ki District Council, na ka liang jong u myntri ba dei peit u James K Sangma u la ong ba kane ka jingeh kam dei kaba mynta, kawei na ki daw ka jingbun palat ki nongtrei.
Down down jame sangma????
Wat batai stad sha khasi jaintia batai sha poh Garo???
Ha Rikhasi nalor ki ain sorkar india ngi don ki ain shnong ha ka ba ka ain sorkar ka hap pyndem tdong namar kam ioh lad ban trei lada ki ain shnong ki treikam bha nuksa: ka sorkar kam lah ban khang ia kano kano ka kynhun kum durbar shnong, seng samla shnong, seng longkmie, villages defence party (VDP) ban peit ngor ban khynra na ka bynta ka jingbit jing biang ha poh shnong te kan ym don jing eh lada mut ban ia iaid jylluit . Nga kop ia ka ain jong ka sorkar ka ba shakri na shuki namar nga shakri ia ka shnong voluntarily da ka bor met bad mynsiem. Lada baroh ki shnong khasi ki lah ban shakri hok ia la ki jong ki shnong kan shitom ia u poiei ban rung klumar lane da ka ba suk, u lah ban nym iohlad ruh tdot.