Bam smai U Justice Mohammad Rafiq kum u nongbishar rangbah ka Meghalaya High Court

U Justice Mohammad Rafiq mynta ka sngi u la bam smai kum u nongbishar ba rangbah jong ka High Court jong ka jylla Meghalaya ha Raj Bhavan mynta ka sng la pynbam smai ia u Justice Mohammad Rafiq da u Lat jong ka jylla u Tathagata Roy.

Haba kren ha ki lad pathai khubor hadien ka jingpynsmai u JusticeMohammad Rafiq, u la ong ba ki kam kiba ha khmat eh kaba un leh ka long ban pynkhlain ia ka tnad computer, ka media cell bad ia ka Lok Adalat.

Ha kane ka sngi la ia don lang u myntri rangbah ka jylla u Conrad K Sangma, u symbud myntri rangbah u Bah Prestone Tynsong, Bah Sniawbhalang Dhar, Bah Lahkmen Rymbui bad u James K Sangma baroh ki myntri sorkar.

Ha kane ka sngi la don lang ruh ki nongbishar jong ka High Court jong ka jylla Meghalaya, ki ophisar, ki heh shipai, ki pulit jong ka jylla bad kiba ha iing ha sem jong u Justice ban ia sakhi lang ia kane ka jingpynsmai.