Pynjari synshar President ha Maharashtra

Mynta ka sngi, la pynhap ia ka Maharashtra, ha ka synshar President, lyngba ka jing mynjur jong ka kynhun myntri jong ka sorkar India bad ba la soi ruh da ka muhor jong U President ka Ri, U Ram Nath Kovind.

Katei ka jing synshar President, ka dei lyngba ka jing ai jingmut jong U Lat ka Jylla, U BS Koshyari bad ka daw, ka long hadien ba kam don kano kano ka seng sain pyrthei, kaba lah ban thaw sorkar, hadien ba la pynbna ia ka result jong ka elekshon MLA ha ka 24tarik Risaw 2019 bad ka daw ka long namar ba ka Shiv Sena, kam treh shuh ban dang ia trei lang bad ka kynhun synrop jong ka, ka BJP.