Kynduh U Bah Paul Lyngdoh ia ki nongialam ka Synjuk ki Phra Shnong

Nongpoh: Ki nongialam ka Synjuk ki Nongialam jong Phra Tylli ki shnong, kiba kynthup ia ka Shang bangla, Umskun, Pahamrioh Lum, Pahamrioh Them, Lumbyrhing, Umryngksai, Umlyngkdait bad Umshangling, ha kane ka Taiew ki la leit ban kynduh ia u Bah Paul Lyngdoh, EM ka KHADC, na ka bynta ban pynsngew sha u halor ka jingthmu jong ki ban mih noh na ka Nongpoh Town Committee.

Haba pyntip sha ki Nongthohkhubor, u Bah E.S Umlong, u la iathuh ba ka nongrim kaba la pynlong ia ki nongialam jong katei ka Synjuk ban leit kynduh ia u Bah Paul Lyngdoh, kaba dei ruh kum ka jingbuddien jong ki halor ka jingkwah jong ki ban mih noh na Nongpoh Town Committee.
  Shuh shuh, u la ong ruh ba kum ka Synjuk kham mynshwa ki la phah da ka Dorkhas, kaba long ruh kum ka jingdawa da katei ka Synjuk ba weng noh ia kitei ki Phara tylli ki shnong na ka jingdon jong ki hapoh ka Nongpoh Town Committee.
    Kiba la donlang ha katei ka jingleit kynduh ia u Bah Paul Lyngdoh, ki kynthup ia u Bah D. Kharshandi, Chairman katei ka synjuk ki Phra shnong lem bad ki rangbah shnong na kitei ki Phara tylli ki shnong kiba hap hapoh katei ka Synjuk.