Shillong: Hadien ka jingiakynduh ia u myntri ka koit ka khiah u bah A L Hek, ka Meghalaya EMRI Worker Union mynta ka sngi ki la pynpaw ba na ka liang ka Sorkar ka la kloi ban pynkut noh ia ka jingiateh soskular bad ka company GVK na ka ne ka jylla.
Ka MEMRIWU ka la pynbna ban pynkut noh ia ka jingia khih da ka ba shah thngan mynta ka sngi,ha ka ba ki la pynpaw ba kin dang ia khih tyngeh biang tad haduh ba ka Sorkar kan weng noh mardor ia ka GVK company.
Halor ka jing bym don ka jingthikna ban pynneh ia ki kam jong ki nongtrei 108 na ka liang u nongialam ka MEMRIWU u bah Roipar Kharrasswai, u la pynpaw ba ka long ka ba sngewdiaw ba da ki phewsnem ki la ai ka jingshakri ia ka sorkar bad kumjuh ia ki paidbah ka jylla, hynrei na ka liang u Myntri ka koit ka khiah u la pynpaw ba lada ki weng noh ia ka company baroh ki ba trei ha ka 108 EMRI kin duh lut ia ka kam.
U la ia thuh ba na ka liang u myntri ka koit ka khiah, u la pynpaw ba ban weng noh ka GVK mardor kan ym lah hynrei kin hap ai por sa 15 sngi bad 60 sngi bad hadien kata kin sa lah ban weng noh kat kum ka soskular lada ki weng ia ka GVK, hynrei na ka liang u myntri u la iathuh shai ba lada ki weng ia ka company ia ki nongtrei ruh baroh kin shah weng noh.
Na ka liang ka MEMRIWU ki la pynpaw ba kin dang ia khih bad kin ym treh ban bteng ia ki kam namar ban a ka liang ka GVK kam pat lah hi ban pdiang ia ki jing dawa jong ngi.
Lada weng ka sorkar na ka Jing ia teh Lok bad ka GVK,kata ka mut Kum ba la pynshai da u myntri ka tnad ka koit ka khiah u Bah Al hek,ba ki ba bun ki nongtrei ki ba trei hapoh Jong ka EMRI 108,kin duh noh ia ka Kam ka ba ki ju trei ban shakri ia ki paidbah ha ka iap ka im ka pun ka kha,ha ki bynta Jing accident,ki ba mynsaw bad Kum ta ter ter,ka ne ka pyni bad paw Shai hiruh bad Kat Kum ka Jing siew Jong ka sorkar Sha ka company GVK,Ka poi bad kot Sha ka 8klur tyngka shisnem,Kum ba la batai da u president Jong ka MEMRIWU. Kan eh aiu Lada ka sorkar jin da ka pyniaid hi ia ka EMRI 108,ban shakri paidbah,Hap ban da don Kam aiu ban ai Sha ki ta company nabar,mut baroh ki Minister bad ki Officers,ne ki riew paidbah ki dei Kita ki Dohlun bam maw bam sohpailen,ka long kaei kaei ka ba sngew Jah burom,la ju don mo ki Wei company na bar kin wan ai wai ne iateh Lok ha MEGHALAYA Ia ki Kam Jong ki to ia pyrkhat lem ma phi ka paid bah ka ri khasi kham tam kito ba don ha ka shatri Jong ka EMRI 108.