Kum ka jylla naduh ki sengbhalang, ki political party , ki Myntri sorkar, ki ki District council , ki Dorbar Trai Ri bad baroh ki trai muluk ngi la ia pyrshah bad pynpaw ba ngi kyntait ia ka CAB ha ki snem kiba la dep . Kaba sngewsih Mynta ka long ba ki Heh paid Hindustan Mynta ki la nang ai Bor shuh shuh ia ka BJP bad ki nongialam ka BJP Mynta ki la kren shai ba kin wanrah biang ia Kane ka CAB ka Ain kaban ailad ia ki khar Hindu na Bangladesh ban long ki nong India khampher wat la ki rung bad sah beain ha ka Ri India khlem ki kot ki sla ba biang .
Ka jingthmu hi ka long ba ka BJP ka party ba Seng nongrim ia lade ha ka Niam Hindu ka kwah ba ki Hindu kin long ki heh paid ha baroh ki jylla ha North East India khnang ba kin synshar khlem kut ia kine ki jylla bad lehse ka long ban pynduh bor Noh ia baroh ki trai muluk lane ban pynbor ia ki trai muluk ban long Noh ki Hindu.
Hooid , ka BJP Mynta kalah ban ioh ia ki MP ban kyrshah ia ka CAB wat ha Rajya Sabha , lehse bun ngi sngew ba ngin nym lah eiei shuh bad ngi la duh jingkyrmen Noh. Hynrei Kum ka kynhun ngi kyntu ia baroh ki trai muluk ba ngim dei ban duh mynsiem, ngim dei ban sngapjar Noh bad ngim dei ban shu Hun noh ha ka Rai donbor ki heh paid.
Ka COMSO ka khot ka wer biang sa shisien ia baroh ba ngin ia tylli Lang ban pyrshah ia ka CAB. Ngi kyntu ia baroh ki political party ba phin ia tylli Lang ban pyrshah khlem da ia kawang maw kawei ia ka Wei bad Lada long ngi kyntu ia phi ki nongialam party ban ieh Noh kito ki lama party mynta bad ban ieng Kum kawei ka jaidbynriew pyrshah ia ka CAB. Ngi kyrpad ia u Myntri Rangbah ka jylla ba Kumba u la ialam nakhmat ha ki por ba ladep Mynta ruh ba un bteng ia kata bad Ngi ai jingmut ia ki MP ka jylla ba phin Sngewbha ban treishitom ban iakhun pyrshah ia Kane ka jingthmu buitpoh ki heh paid. Ngi khot ngi wer ia baroh ki sengbhalang bad ki Dorbar Trai Ri naduh ki Dorbar shnong , ki Raid, ki Hima, Elaka , ki Dorbar Kur , ki Nokma bad kiwei ruh ba ngin ia treilang Mynta bad Kum ka jylla ngi Don Kam ban pynpaw Tang kawei ka sur bad kata ka long ba Ka Jylla Meghalaya ka pyrshah ia ka CAB.
Khublei shibun
Sd
Robertjune Kharjahrin
Chairman, CoMSO
Phi don ban ong eiei?