Shillong: U EM Incharge jong ka tnad Trade u bah Paul Lyngdoh mynta ka sngi ha ka jing ia kynduh bad ki lad pathai khubor, u la iathuh ba na ka liang ka KHADC naduh ka 11 tarik u Naiwieng 2019 kata naduh ka sngi nyngkong haduh ka 30 tarik u Naiwieng 2019 kan ai por ia ki nongdie madan trai jylla ba kin wan ban pynrung kyrteng ia lade ha KHADC, katba ia ki bar jylla ki dei pat ki dei ban shim ia ka trading laisen.
U bah paul u la ong ba ha ka ba ia dei bad ki bar jylla ki dei ban shim ia ka trading laisen na ka tnad trade kat ba ki trai jylla pat kin shim na ophis trei kam jong ka Enforcement wing,ki nongdie madan ki dei ban pynbiang lut ia ki jingdonkam ha ka jingpyndap ia ka ne ka phom tang haduh ka 30 tarik u Naiwieng, ngin ym pdiang shuh ia ki jing wan thep ia ki phom yn da la lait kane ka tarik ka ba ki buh.
U bah Paul u la iathuh ba ka jing jied ia kibriew ki ba pynrung kyrteng kin long hadien ba kin bishar bha shuwa ia ki phom kat kum ki kyndon ki ba ka KHADC ka la buh kaita ki long ba ki jaka ba ki shong kim dei ban pynwit ia ka leit ka wan jong ki briew ,ha ka ba ia dei bad ki nongdie madan ki ba die ia ki jingbam ki dei ban long kaba khuid ka ba suba bad ka khaii pateng ka dei ban long ka ba beit (trade legal).
U la iathuh ruh ba kane ka phom kan trei kam ha baroh kawei ka Shillong kita ka mut ha ki 7 tylli ki constituency jong ka sor shillong ia ki nongdie madan ki ba shong ha ki ja ka jong ka Municipal area, ki shnong kum ki Mawlai Nongthymmai bad Pynthor umkhrah. katba ki nongdie madan ki ba hap ha ki jaka jong ka Contenment board bad European ward kan ym ktah ia ki.
Ban khang lad ia ka jing leh Benami jong ki trai jylla na ka liang u bah Paul u la iathuh ba ha ka phom ki la don lupa ki kyndon ki ba biang bha ba kin ym lah ban leh benami khlem da ia tyngkhuh ia ka ain.
Ki nongdie madan kin hap ban wan rah ruh ia ki dur jong ki jaka ki ba ki ba die madan khnang ba kin bishar bha ia ki jak ba ki long ne em ki ban shong ki nongdie madan ba kan ym pynwit ia ki nongleit nongwan bad ia ki kali ruh.
U la ong ruh kin kham pyrkhat bha ruh na ka bynta ki to ki nongkhaii ki ba die ia ki ba mar ki mata jong lade ym ki ba pyndie ia kiwei.
Phi don ban ong eiei?