Wat buhrieh ia ka dor ki mar: DC

Shillong, 3 Naitung:
U Deputy Commission ka East Khasi Hills u la maham ba ki dukan kim dei ban buh rieh ia ki dor ki mur jong ki mar ki mata. U DC u la sngewkhia ia kane hadien ba la kiew ki dor ki mur jong ki mata ha iew ha hat.
U DC uba khlieh ia ka district level price monitoring committee ka East Khasi Hills u la ong ba la ju khot ia ka jingialang ban peit ia ka jinglong ka dor ka mur ha iew ha hat bad na ka liang jong ka committee kala dep buh ia ka dor ka mur.
Na ka liang jong u DC u la maham ia ki nongkhaii ba lada don kiba buhrieh iaki marbam mardih da ka jingthmu ban pynkiew ia ka dor ha iew ha hat ym pynshitom tyngeh lada don kiba leh kumta.
U DC kan phah ia ki ophisar sha kylleng ki jaka ban jurip ha kaba ia dei bad ka jingdon jong ki marbam mardih ban peit ba kan nym don kano kano ka jingleh thok ha kaba ia dei bad ka dor ka mur.