Pyllait im ia ka Skei, kaba wan poi ruma ha phyllaw DTO Nongpoh

Nongpoh: Ki briew kiba don ha phyllaw ka ophis treikam u DTO Nongpoh, hynnin ka sngi, ki la ioh ban pyllait im ia kawei ka Skei, kaba la wan poi ruma ha phyllaw jong katei ka ophis, kata hadien ba ka la shah beh ha ki Ksew.

 Katei ka Skei,ka la mynsaw ha ki bynta ka kjat kata hadien ba ka la phet ruma hadien ba ka la shah beh ha ki ksew bad ka la lait na ka jingiap, hadien ba la poi sha katei ka jaka namar ka jingiarap ki briew kiba don ha katei ka jaka.  
Katto katne por, hadien ba la iohkem ia katei ka khun skei, la pyntip ruh sha ka tnad Wildlife ka Nongpoh bad tang shiphang, ki la wan shimti ia katei ka khun Skei.