Shillong: U Bah Paul Lyngdoh, EM Incharge u ba dei peit ia ka tnad Trade, mynta ka sngi u la pynpaw ia ka jinglyngngoh halor ka jingwan tur jong ki nongdie madan ki ba hapoh ka Meghalaya & Greater Shillong Progresive Hawker & Street Vendors Association,da kaba ong ba ka long ka ba isaitmet bad ka bym itynnad ba ki kynhun jong ki nongdie madan, namar kane ka dei ka jaka trei kam jong ka Distric council. U Bah Paul, ula ong “Ngi lah ban don ka jing ia pher jingmut hangne hangtai, ngi khmih lynti ba kin wan da ka burom ha kaba ki group ne ki NGO ki dei ban tip ia katei, hynrei haba ki wan da ka jinghylla bad ka jingwan khlem ka appointment ka pyni ia ka jingbym don burom jong ki ia ka District Council khamtam ki nongialam jong ki kiba la kam ba ki dei ki ba la tip bad sngewthuh ia ka ain ngi khmih lynti ba kin tip ban burom ia kane ka Council”.
Kine ki briew ki ba la wan rah dorkhas hynnin ka sngi, ha U CEM ka KHADC u bah Teinwell Dkhar, ki dei 5 ngut bad kaba sngew lyngngoh ka long ba na pdeng kine 2 ngut ki dei ki ba la shain kuna na ka highcourt pyrshah ia ka jingpynbna ba la pynmih da ka KHADC ha ka 4 tarik u Risaw 2019. Na ka liang ka court ka la buh jing kylli ba balei trai jylla (tribal) ki wan ban ujor pyrshah ia ka case kaba dei bad trading by nontribal act bad hadien ka jing bishar bha na ka ling ka Highcourt ki la dain kuna ia kine ki 7 ngut, ong U Bah Paul bad ula ong shuh shuh ba haba sngap ia ka jing dawa jongki sngew kumba ka don ei ei, hynrei haba la dep ban pule bad bishar bniah ia kine ki jing dawa, la shem ba ki long ki jing dawa ki bym shongnia haei haei ruh, ha kaba ha ka jing dawa jong ki ki ong ba ka KHADC ka dei ban burom ia ka status quo order jong ka Meghalaya High Court bad na ka liang u bah Paul u la pynshai ba ka rai jong ka Meghalaya High court order kaba rim mynshuwa kam iadei ei ei ruh em bad ka KHADC, hynrei kadei tang bad ka Sorkar jylla.
Ha ka jing dawa ka ba ar ka KHADC kan burom ia ki kyndon jong ka ain kata “Street Vendors (Protection of Livelihood and Regulation of Street Vending)Act 2014 bad u la ong ba kane ka act ba la pass da ka Assembly ha u snem 2014, ba kane ain ka ong ba ba kino kino ki bar jylla (nontribal) kiba wan ban khaii hangne ka jylla ki dei ban pyndep ia jingdonkam jong ka ain ka KHADC.
Ka jingdawa ba lai ka long ban weng noh shi syndon bad weng mardor ia ka hukum bad ki phom ban register ia ki nongdie madan trai Ri, la ong ba ka jingsam ia ki phom ka long ka jingiohnong ia ki nongdie madan hi bad kane ka phom kan wanrah ia ka jing ithuh ia ki nongdie madan kiba dei ki trai jylla bad ka ba kham kongsan ka long ka ban ithuh ia u trai bad ia ki nongtrei khnang ban khanglad ia ka Benami bad kaba kham donkam ka long ba lada ki pynrung kyrteng ha KHADC kin ioh ia ka jaka ha kaba yn da ki la plie ia ki jaka die madan da ka Sorkar Jylla.
U bah Paul u la pynpaw ia ka jing sngew lyngngoh ia ka jingdawa ba saw halor ban ai trading laisen sha ki bym dei ki trai shnong ha ka rukom ka ba shai, ba khuid ka bym leh shiliang bad u ong ba kaba pynlyngngoh halor katei ka mat bad u pynpaw ba u kwah jing pynshai ba balei ki dawa ia kane, ha ba ki ong ba kane ka kynhun ka dei ka kynhun jong ki trai jylla, ki ba die madan bad ka don jing ia dei aiu ka Vendors Association bad ka rukom ai trading laisen ia u bar jylla.
Na ka liang u bah Paul u la ong ruh ba ka long kaba shai ba na ka liang jong ka KHADC kin iaid shakhmat bad kane ka rukom pynrung kyrteng bad kito baroh kiba kwah ban ioh jing myntoi bad jing iada na ka Council bad ban ioh jaka, ynda la plie ia ka jaka ki nong die madan da ka Sorkar Jylla bad u kyntu ruh ba kin ym shah ialam bakla bad ba kin wan sha khmat ban pynrung kyrteng ba kin ioh ka jingmyntoi ia ki hi.
Good Bah Paul. Phi dei shisha u Rangbah ba Sngewthuh ban pyn im iaka rikhasi badka jaitbynriew khasi khublei chibon Paul Lyngdoh . Ka shong sahtang ha ki to ki nong hylla nong rad pla card da Ka ktin dkhar la ki sngew thuh me Kim sngew thuh . We support you EM Paul Lyngdoh
Kane ka rai ka KHADC ka long kaba dei, bad ka long ka jingiada ia ki trai jylla kiba shong die madan. Haba iadei bad ka jingbym treh jong ki ia ka jingpynrung kyrteng ka KHADC te ka lahdei ka jingkynshoit jongno re jongno ki bym dei trai jylla bad tang na ka bynta ka jingmyntoi lade.
Ah bapli ka jait briew jong ngi.lah sngewthuh shai ba don ki riewshimet ba pyndonkam ia kine ki briew bn iakhih na bynta kane. ka jaitbynriew jong ngi ka dei kaba poh haduh katta2,kim patiaw bd kim pyrkhat balei ba ka KHADC Ka leh kumne!! Ka leh kumne khnang ba yn pynduh ia u Nongwei bn shongdie hangto bd ma phi ki Trai ri phin ioh jaka bad ka Sorkar ka lah plan ba yn shna ia ka iew ba ki nongdie madan(Ki Khasi)kin ioh shong bd die jingdie hangta. Hynrei ma phi ki sniang phi shah pynbieit ha u mynder ba un ioh jaka bd kan poi ka por kin pynduh noh ia phi ha ka shingi. Balei phi ialong kumne? Lano phin kyndit? Phim don kata ka Buit bn wad iaka lynti kaba bha.
Ka dei ba phi ong. Khasi jong ngi ba long sniang suda. Ka dei ka lad iaki bd kmen hi ruh baka KHADC Ka leh kumne.ki lh dei bn iaishah shipor hynrei shaei,namar u sniang uba tur bieit khlem da pyrkhat.
Ka jingleh jong ka KHADC,lyngba I Bah Paul Lyngdoh ( EM ka trade) ka long kaba dei eh. Hynrei lyngngoh pat ba kine ki haw haw,baw baw, kiw kiw kaw kaw, ki pyrshah pynban na ka bynta ka suk ka sain jong ki hi hadien habud da kaba register ia lade.
Tip kine ki ba iakhih ki juh leit donkam ne em sha u rangbah shnong jong ki shnong jong ki? Bad ki sngewthuh ne em balei ba ki donkam ia u rangbah ne u sordar shnong?? Ki dei ruh ban sngewthuh shai ruh balei ba ka KHADC ka donkam ban register ia ki.
Ka KHADC ka dei ban ailad tang iaki trai Ri ym iaki bar jylla, lada baroh ki jaka dei madan kin kam da ki bar jylla Te Shano pat ki khasi kin leit ban im ja Kpoh
Ka KHADC KA DEI BAN IATREILANG BAD KA SORKAR JYLLA KHNANG BANKLOI KA RUKOM TREIKAM BAD WAN RAH IA KA JINGIAID BEIT IAID RYNTIH.