Shah dain kuna palat 92 tylli, ki taksi kamai

Shillong, 1 Naitung:
Palat 90 tylli ki taksi kamai ki la shah dain kuna ha ka tnad pyniaid kali ki pulit. Ia kine ki taksi kamai la shain kuna hadien ba ki kamai khlem pynbiang ia ki kot ki sla ba donkam. Katkum ka khubor na ki pulit, 92 tylli ki taksi kamai la shain kuna ba ki iaid khlem ki kot ba biang bad na kine, la ioh kuna haduh T. 38, 600. Ia kine ki taksi la shain kuna hadien ba ki kamai ha ka thain Khyndai Lad bad Laitumkhrah, la ong u SP Traffic Bah NK Syiem. U la maham ba ki pulit kin bteng beit ia kane ka jingkynra ia ki taksi ki bym biang ki kot ki sla. “ngi kyntu ia ki taksi kamai ban iaid bad ki kot ki sla ba biang”, la ong u SP.
Ha kajuh ka por, ki pulit kin khap nap beit ia ki kali ba pynieng beain ha ki jaka ba la mana khlem jingmap wat ia ki kali baheh bahain ruh. Ki pulit ki la kyntu ia ki kali baroh ba kin burom ia ka jingpyniaid kali ban kiar na kaba pynieng pathar ha ki jaka ba la mana khnang ban lait na ka jingeh. Kiba leh pyrshah kin shah pynshitom da ka kuna, la maham ka tnad pulit.