U KHAW U KBA

Kong Linda Kongwang

Kumno ki ai jingmyntoi haka liang ka koit ka khiah.

Ban bam ia u khaw ne ka ja ki ai jingmyntoi shi katdei eh la haka liang ka koit ka khiah ne wat ki aibor ruh iaka met ka phad ban trei ban ktah. U sohkhaw u dei u symbai jongki jait phlang Oryzasativa(Asian rice) ne oryzaglaberrima ( African rice).

U khaw u dei u jait jingbam uba kongsan tam bad balah ban pyndonkam bad bsa iaki paitbah ha satlak ka pyrthei. Ki dei ki mar rep mar riang kiba wan ba lai haka jing pynmih bun tam eh hadien jong u pai bad u riewhadem. U dei u jait jingthung uba mih shisien shi snem bad uba lah ban pynmih bam naka bynta laiphew snem.

Ka jingrep khaw ka iahap bha haki thain rithor bad donkam shibun ka um bad ki jaka ba iar ban rep.

Bam bam ia u khaw ne ka ja ki ai jingmyntoi shi katdei eh haka liang ka koit ka khiah namar ki iarap ban aibor iaka met, iada naka jing sngaid palat, iada iaka blood pressure, ki jingpang Cancer, Alzheimer, Diuretic and Digestive Qualities, pynbha iaka metabolism, ioh iaka sniehdoh kaba bha. Ki ai jingkoit jingkhiah haka liang u klongsnam, iada naka jing jur ka jing set kpoh, bad pynbiang ia ka body temperature. Hangne phin shem katto katne ki jingmyntoi baphi ioh na u khaw:
Aibor iaka met : U khaw ne ka ja kidei ki jait jingbam ba aibor bad neh slem haka met. Haba bam ia u khaw ne ka ja ka met jongphi kan ym thngan kloi namar ha u don byllai ki carbohydrates kiba ai ka bor kaba biang iaka met ka phad bad ki iarap ruh haka jing treikam bha ka jabieng. Ki carbohydrates ki ba don ha u khaw ki lah ban pynkhlain iaka met bad kylla shaka jing lah treikam ne pyndonkam iaka bor.

1. Iada naka jingsngaid palat : Kawei kaba phi ioh jingmyntoi eh haba bam ia u khaw ne ka ja ka long ba u iada naka jingsngaid ka met namar ha u kim don iaki khlein kiba ktah, ki cholesterol lane ki sodium. Ka jingbym kynthup ki khlein, ki cholesterol bad sodium ruh ki iarap bha ban pynduna iaka jingsngaid palat ka met namar ka jinglong koit long khiah ka shong eh haka jingkhia palat ka met. U dei shisha uba ai jingmyntoi ha kylleng ka pyrthei namar u iarap ban pynioh ia ka jingkoit jingkhiah bad pynhun wat haba phi bam tang khyndiat ruh.
2. Iada naki jingpang : Haba bam ia u khaw ne ka ja ki pyllait shibun naki jingpang ba har rukom. U iarap ban pynbiang iaka blood pressure namar u dei u ba duna bha ka sodium, te la khein ba u dei u ba biang tam eh naka bynta kito kiba shah shitom naka Acidity, High Blood Pressure (HBP) bad Hypertension (HPT). Ka sodium ka lah ban dei ka daw bah kaba khñiot iaki thit snam, ka jingkiew ka jingktha khlieh bad bun jingmut jing pyrkhat haki cardiovascular system katba ka blood pressure ka nangkiew. Kine ki don ka jingiadei bad ka jingpang klongsnam kum ki artherosclerosis, ka heart attack bad ka stroke, namarkata ban kiar naka jingdon palat ka sodium haka met borabor dei ban bam iaka ja kadei ka lynti kaba ialam sha ka jingkoit jingkhiah. [yn dang bteng]