Khlad ka khynnah ba shah leh beijot ha Pynursla

Shillong, 1 Naitung:
Ka khynnah ba 19 snem kaba shah leh beijot ha uwei u tymmen briew ka la khlad noh ha kane ka sngi Hatmajai. Kane ka khynnah ba dei na Neng gate, Pynursla ka ka la shah lei beijot ha ka 10 tarik Jylliew, 2014 ha uwei u runar ba la tip kyr teng kum u An Buhphang uba wan shong wai ha katei ka shnong bad uba dei shnong na Pyrnai.
U Rupang u la ioh ban iakren mynta ka sngi bad kiba haiing katei ka khynnah lyngba ka phun, ki la iathuh, ba katei ka khynnah hadien ba ka la shah leh beijot ka la khlad noh mynta ka sngi.
Kakum ka jingiathuh ki bahaiing jong katei ka khynnah ki la ong ba utei u runar u la shim kabu ia katei ka khynnah katba ka dang thiah pang ha iing haba ka kmie jong ka, ka dang leit donkam sha iing briew.
Kane ka jingjia ka la ktah shuh shuh ia ka jingpang jong ka haduh ba kan da khlad noh hynne ka sngi Hatmajai.
Katkum ka jingiathuh ki bahaiing utei u runar u la shah kem bad mynta u dang don ha ka kti jong ki pulit.